Danielsen Ungdomsskule Osterøy starta opp i 2011 og er ein kristen friskule eigd av Egill Danielsen Stiftelse.

DUO ligg på Valestrand, og har sidan oppstarten hatt førebels skuledrift i bedehuset, samt to oppførte modular. Arbeidet med oppføring av nye lokale er i gong, og målet er at desse skal stå ferdige om få år.

Vi ønskjer at alle elevar på DUO skal kjenne seg trygge, verdsette og inkluderte!

På DUO får kvar elev tilbod om å inngå ein låneavtale om ein bærbar Mac. Etter tre år som elev ved DUO får eleven maskina i eige. Målet er elevar med digital kompetanse, utrusta til å vere bevisste og kritiske brukarar og aktørar i den digitale verda.

DUO har no tilbod om undervisning i to framandspråk: spansk og tysk. For dei elevane som ønskjer eit fag med meir praktisk tilretteleggjing, tilbyr vi faget arbeidslivsfag.

Valfaga på DUO skuleåret 2017-18  er:
– for 8. og 9. trinn: Friluftsliv, Innsats for andre, Media & Informasjon og Sal&scene.
– for 10. trinn tilbyr vi Friluftsliv, Innsats for andre og Sal&scene med høve til å ta Jegerprøven.

Skuleåret inneheld ulike aktivitetsdagar: skidag, nattevandring og overnattingstur. På 8. og 9. trinn reiser ein på leirskule, og i 10. klasse reiser ein til Krakow.